Azərbaycan Hotel Assosiasiyası Referans Medical Group ilə əməkdaşlıq edir

Azərbaycan Hotel Assosiasiyası, Azərbaycanının aparıcı tibb mərkəzlərindən olan - Referans Medical Group ilə əməkdaşlığa başlamışdır. Bu tərəfdaşlıq çərçivəsində AHA üzvü olan hotellər işçilər üçün nəzərdə tutulan, COVİD-19 laboratorik analizlər üçün xüsusi təkliflərdən və həkim konsultasiyasından faydalanacaqlar. Xüsusi təklif işçi sayından və hotelin yerləşdiyi regiondan asılı olmayaraq yalnız üzv hotellərə şamil olunacaq. Bundan əlavə, Referans Medical qrupunun mütəxəssisləri və həkimləri qonaq və mehmanxana işçilərinin təhlükəsizliyini təmin etmək üçün hotellərdə və hotel tipli müəssisələrdə respirator-tənəffüs yoluxucu xəstəliklərə qarşı mübarizə və profilaktikada mütəmadi olaraq xüsusi yerlərdə konsultasiyalar və onlayn məlumat sessiyaları keçirəcəklər.